July en de Muppe!


July en de Muppe zint veer vasteloavesgekke oet Gebrook.
Veer vriendinne woeëvan 't hart vuur d'r vastelaovend sjleit.
In 2005/2006 wonne die veer gekke vrouwluuj mit 't leedje "D'r Optoch!"t Breukervasteloavesleedjeskonkoer.
Ooch komte ze mit "D'r optoch" in de finale van 't LVK op d'r tillevies terech!
In 2006/2007 behaolde ze mit 't leef welske "Miene Prins" de driede plaatsj op 't PLK, 't Parksjtadleedjesconcour.
En... July en de Muppe moge nao Serum nao 't LVK vuur 'n geweldig optrede woeë die vrouwluuj de neugende plaatsj wiste te bemachtige!
Op vastelaoveszaoterdig sjtinge ze op de groeëte bühne van de Brands Beer Boetegewoene Boetezitting in Venlo.
Dat waor natuurlik klasse om mit te maoge make. Mer 't kos neet op...
July en de Muppe belandde ooch nog op de twieëde plaatsj in de Limbo Top 11 en op de zestigste plaatsj in de Limbo Top 100.
In 2008/2009 behaolde ze mit "t Tanzmarieche" de veerde plaatsj op 't LVK i Gelaen! En ooch dit seizoeën waore ze waer van de partie in Venlo in de Zoepkoel.
D'r elfde van d'r elfde, 't begin van 't vastelaovesseizoeën 2009/2010 wonne ze mit 't leedje "De mam" 't Breukervastelaovesleedjesconcoer.
July en de Muppe zint ontzettend greuëts op die prachtige resultate en vinge 't geweldig dat zoeë vaöl luuj van hun vastelaovesleedjes geneete!
19 november 2010 bringe ze hun allerieëjste cd oet in 't kesjtieël van Gebrook.

July en de Muppe sjtoan garant vuur vaöl sjaele zaever en sjtomme kal mer baovenal vuur sjoeën vasteloavesleedjes.
'n Welske, 'n dixielandmelodieke, geweun 'nne ouwerwetse polonaise of 'n flitsende twist, July en de Muppe make d'r 'n fieëske van!
July en de Muppe wunsje uch alvas 'nne fantastische vasteloavend!

Mit Alaaf!
July en de Muppe

't July

Mup Betty

Mup Carla

Mup Emmy